Ég er flutt!

Eins og ALLIR aðrir þessa dagana...

núna er ég :

http://erill.bloggar.is

kíkið... ég er meiraðsegja búin að blogga og allt, og hey! mér þætti vænt um ef þið breyttuð líka tenglum á mig

Þegar ég byrjaði í MR kallaði ég Reykjavíkurtjörn óvart alltaf Andabæjartjörn. Það gaf mér ekki mjög gáfumannslegan stimpil en uppskar hlátrasköll þegar ég var að kvarta yfir skokkhringnum.

Ég er ennþá hrifin af Andrésblöðum sem að mínu mati eru fullkomnun í einfaldleika sínum. Sérstaklega kann ég að meta nafngiftirnar sem gefa alltaf e-ð til kynna um persónuna; Barði Varðar (skógarvörður), Nappi Stelín (besti þjófur allra tíma) eða allir ættingjar Mikka; frændur hans litlu Mikk & Makk, Mikjáll Mús, Mikkella Mús.....

Toppnum fannst mér samt náð í dag þegar að bófatríeikið Dóni, Kóni og Róni reyndu að ná heimsyfirráðum. Ef bara fólk héti svona nöfnum svo að maður vissi hverjum maður ætti að passa sig á.....

Jámmm ég les Andrésblöðin líka þegar ég er í prófum...

ef hér birtast einhver komment ætla ég að splæsa í Andabæjargátu með verðlaunum

E-ð er greinilega að kveikna á heilanum í mér núna í prófunum því að núna er ég hætt með einföldu draumana og komin yfir í heilu kvikmyndahandritin...

Þess vegna var ég í nótt aðalpersónan í þvílíkri spennumynd;

Anna hafði platað mig til að hjálpa sér við e-ð sem hún sagði mér ekki hvað var, kom svo í ljós að þetta "eitthvað" var að skila stórri kókaínsendingu.....sem hún hafði stolið helmingnum af. Þannig að þegar að gengið sem átti þetta sá það vorum við báðar réttdræpar. Þeir náðu Önnu og börðu hana eins og harðfisk (ég fékk að sjá myndir af henni frá spítalanum, þær minntu svolítið á CSI) og fyrst að hún komst undan þá var ákveðið að drepa mig.... Ég hafði hins vegar flúið heim til bekkjarbróður míns og hann var klárlega hetjan í þessu öllu saman, var alltaf e-ð að bjarga mér. Eftir svona 2 vikur vorum við farin að vera aðeins rólegri og skelltum okkur út á einhverjar fáránlega litlar svalir í snjókast, þar var ég skotin beint á mitt ennið af svona snyper sem var í runnum rétt hjá...og svo hann fyrir að hafa verið að vernda mig svona... Eina manneskjan sem lifði þetta af? -Anna...

Er það til í dæminu að ég hafi kviðið fyrir efnafræðiprófinu?

-Anna, heppin að vera ekki í alvöru eins og mig dreymir....

-ef hins vegar bekkjarbróðirinn er jafn mikil hetja og mig dreymdi hann í nótt þá á hann einhvers konar riddarakross skilinn

Hvað er það besta sem maður gerir í prófum?

-Sofa. Vegna þess að þar fær maður smá frí frá prófalestri og þau eru ekkert að trufla mann, mann getur dreymt hvað sem er.....

Wrong.... ég hef komist að því undanfarnar nætur að draumalandið er ekki sú redding sem maður hélt að það væri.... ég hef farið að sofa undanfarin kvöld, snemma til að vera vel úthvíld og hefur dreymt allt frá brjáluðum Vampírum sem voru alla nóttina að reyna að komast í færi við hálsinn á mér, þær bundu mig meiraðsegja nokkrar í tannlæknastól (hefur e-ð með það að gera að ég var spurð hvað ég stefndi á rétt áður en ég fór að sofa) og í morgun vaknaði ég dauðþreytt því að ég var búin að vera að hlaupa um alla nóttina.... bara í handklæði, og það var alveg við það að detta (tengist því líklega að ég sá brot út Eurotrip, þegar þau fara á nektarströnd, og mikið rétt, það var slatti af ógeðslegum allsberum köllum að elta mig útum allt....) Mér finnst þetta pínu bömmer... en hey! þá hætti ég bara að sofa, hvernig hljómar það að vaka bara og taka prófin í einni striklotu?

Fyrir nú utan það að þetta hlýtur að vera besta lag sem ég hef heyrt þá held ég að það sé augljóst mál að þetta eru dansararnir sem ég vil hafa í tónlistarmyndbandinu mínu!

http://video.google.com/videoplay?docid=-8610362188397291938&pl=true

Je, minn, eini!

Í tilefni af þessu ææææðislega veðri;

Gaman:

• Að vera í kjól eða pilsi, nú er það loksins loksins hægt, það er fáránlegt veður
• Að fara út í sólbað með útvarpið á og engar áhyggjur
• Að vera með rauðan varalit, snýr höfðum og svo er maður bara e-ð svo hress og glaður í góða veðrinu
• Að vera með sólgleraugu.. maður fær kannski far en þau eru kúl
• Að fara í sund til að brjóta upp lesturinn (og verða brúnn)
• Að vera í strætó með krúttubollu útlendingum sem eru með bakpoka og kort og ekki hugmynd um það hvert þeir eru að fara...

Bögg:

• Að vera í þykkri, svartri úlpu það er HEITT að úti... ekki henda samt, það kemur haglél fyrr eða síðar...
• Að læra fyrir próf inni og horfa á góða veðrið út um gluggann...
• Að vera með svartan varalit... er ekki bara málið að fara að gera lögbann við þessu Goth-kjaftæði?
• Venjuleg gleraugu.... maður fær far og nei, það er misskilningur að það sé kúl að vera lúðalegur...
• Að hafa sent með systur sinni á Snæfellsnes öll sundföt sem maður á...
• Að deila strætó með manneskju sem er ekki búin að fatta eðli heimsendingaþjónustu heldur fer niður í bæ, kaupir pizzu og er svo bara með kassann í fanginu á leiðinni (og gerir mann brjááálaðan úr hungri með lyktinni, þar sem það rennur upp fyrir manni að jú, mann langaði í pizzu, ekki skyrdrykk...) 

Leiðinlegast af öllu: þegar fólk er með leiðindi og nöldur í fína fína veðrinu...

Skemmtilegast af öllu: að ég mundi í gær að gamall bekkjarbróðir minn, í svona sjöunda eða áttunda bekk var samferða vini sínum í skólann og þegar þeir komu á skólalóðina og leiðir skildu sagði hann hátt og snjallt; "bless Sigurjón, og takk fyrir samfarirnar!"

Viðbót: Skemmtilegast af öllu í gær: það að Jói og Eysi voru fullir í skólanum... algjör snilld, stóðu sig samt vel í spurningakeppninni...

Jámm ég er í fáránlega góðu skapi

ég ætlaði að byrja bloggið á mynd en þetta fjárans blog.central.is dæmi er í fýlu...svo þið kíkið bara sjálf:

http://www.dussault.ws/Easter%20Bunny.jpg

Ég er búin að finna mér nýtt "thing". Undirmeðvitundinni hefur semsagt verið farið að leiðast fyrst ég er hætt að detta í stigum (7,9,13) svo hún kippti þessu bara í lag sjálf. Ég hélt að það að ég missti ipodinn minn um daginn í gólfið hefði verið svona "one time thing" ég meina hann er alveg nothæfur en ég sé ekkert á skjáinn... 

Neibb neibb, missti símann minn í gólfið í gær, ókei rétt upp hönd, hver hefur misst símann sinn einhvern tímann? Er hann ekki svona í semi-lagi eins og ipodinn minn? Jámm ekki minn, það heyrðist svona *plopp* hljóð og ég leit niður, þetta er (var) svona opnu-sími, nú er þetta svona tveggja-parta-sími.... skjárinn brotnaði af og tengin inní sem gefa mynd á skjáinn og hæfileikann til að heyra í þeim sem maður er að tala við fóru í sundur... og það er ekkert eins og ég hafi misst hann úr 17 metra hæð... hann datt svona 1og hálfan. Til að bæta gráu á svart þá á ég 39 kr. inni á kortinu mínu svo að núna er ég með gamla Nokia 3310 símann hennar Sigrúnar sem ég er búin að vera að gera grín að síðastliðin 2 ár.... ég er að vona að þetta sé ekki byrjunin á nýrri svona atburðahrynu hjá mér en ég ætla ekkert að fara að hlaupa á milli húsa með fartölvuna svona just in case.......

-Erla, sem er að fara yfirum af páskasúkkulaðiáti...

... Ingu í dag, með mömmu, en mamma skellti sér ýmislegt svo að þetta vorum eiginlega bara við Inga. Litla krúttið er samt með hlaupabólu svo að það er frekar svona stuttur í henni þráðurinn....

ég setti upp einhver fáránleg þrívíddargleraugu því að hún var í fýlu og hafði fundist þau e-ð fyndin fyrr um daginn;

Inga: "hættu, þú ert ljót svona!"
Ég: " nújæja... (tók þau niður)... í lagi núna?"
Inga: "nei þú ert ennþá ljót!"

maður fær það semsagt óþvegið en well.... ég græt mig þá bara í svefn ....það er huggun harmi í að það er í  í glæææænýju rúmi .... mmmmmmm...

....prófaði ég í fyrsta skipti yoga, hjá Guðjóni Bergmann... æi þið vitið tantragaurnum þarna...

Mæli með þessu ef þið viljið upplifa það hvernig það er að deyja. Þetta er ekkert eðlilega erfitt, í eitt skipti var aaaaalveg að líða yfir mig, svo að ég lagði mig bara á dýnuna... sem var bara kósí, pínu kjánalegt samt því að það var fullt af eldgömlum jógasnillingum þarna og ein kasólétt kona.... en hey! æfingin skapar meistarann (?) og svo var slökun í lokin svo að þegar maður kom út þá var eins og maður væri ekki búinn að gera neitt.... ég kann að meta þetta, nei án gríns, ég mæli með þessu, ég ætla að fara að kaupa mér kort, það felst einhver friðþæging í því að vera með svoleiðis í veskinu

annars er helgin bara búin að vera frábær, mömmu langaði svo að sjá Idol á föstudaginn að pabbi dekraði við hana og skellti sér bara á tveggja mánaða áskrift að Digital Ísland... ég fattaði það ekki fyrr en eftirá að hann fékk aðgang að Mastersmótinu í golfi með ... útsmoginn kallinn...

that's it... ég held ég hafi ekkert meira að segja.... nema jú, skellið ykkur í bíó á Ice Age 2... hún er snilld, mér fannst hún meiraðsegja betri en fyrri myndin og það gerist...uuu... aldrei...

Ég veit ekki alveg hver fær titilinn kjáni síðastliðinna daga hjá mér;

• 10. bekkjar stelpurnar sem voru með mér í strætóskýli áðan og voru að vorkenna sér geðveikt mikið útaf einhverju sagnorðaverkefni fyrir morgundaginn... ég vissi ekki alveg hvort ég ætti að sparka í þær eða vorkenna þeim vegna heimanámsskellsins sem þær fá þegar þær byrja í menntaskóla ....
• Rúmlega sextuga konan  í Hagkaup sem svaraði spurningu um tímann frá einni samstarfskonu sinni sönglandi ; "klukkan er, málmur og gler, í rassinum á þér" gott að vita að maður á eftir að detta aftur inn á fimm ára húmorinn einhvern tímann...
• Jeppakallinn sem var stopp á ljósum ská á móti mér og fattaði ekki að það var komið grænt fyrr en einhver fyrir aftan hann flautaði, tók þá hressilega af stað..... afturábak! Ég held ég hafi aldrei séð eins fullkomlega framkvæmdan tóman svip eins og á honum á meðan hann var að reyna að átta sig á því hvað í f j á r a n u m  hann gerði! ..... Mér finnast árekstrar almennt ekkert fyndnir, en það slasaðist enginn og ég ætlaði að kafna úr hlátri...
• eða Jói, bara afþvíbara....

nú vil ég fá kosningu...... hver á heiðurinn skilið?
...ég hef samt óljósan grun um það hver vinnur...

Fór í gær í bíó með Önnu, mér var semsagt boðið en hún "gleymdi" að segja mér að þetta væri nokkurs konar hryllingsmynd þangað til við vorum komnar.... Erlan þokkalega föst á svæðinu.

Fórum á When a Stranger Calls og jámm...  Maður var hræddur allan tímann og það hefði nú verið fínt að hafa einhvern með stáltaugar við hliðina á sér ... kannski ekki Önnu sem tilkynnti það reglulega að henni væri flökurt af stressi og hræðslu... ég hélt líka að ég myndi þurfa að plokka hana úr loftinu eftir bregðuatriðin.

Svona myndir eru nú ekki alveg minn tebolli en þessi var samt hrikalega góð... eða mér fannst það, ath! þetta þýðir ekki að ég sé að fara að horfa á  The Excorsism of Emily Rose eða e-ð með ykkur!

.... Mín sofnaði nú samt uppi, með kveikt á lampa og Andrésblaði í fanginu... Það hefði kannski bara verið gott múv að fara á kallakórstónleikana hans pabba uppií sveit í gær?

Toppurinn: þegar að stelpa við hliðina á mér tilkynnti í símann að hún væri að fara á "When a Strangler Calls"... ein ekki alveg að skilja aðalplott myndarinnar!

Vá hvað tæknin getur klúðrað mörgu fyrir manni!

Dæmi: GSM-símar. Það er svo suðvelt að klúðra einhverju með sms-um, ef maður væri að hringja í skakkt númer þá myndi maður fatta það á röddinni áður en maður færi að splæsa hinum ýmsustu persónuupplýsingum á viðkomandi ekki satt?

Ég hef fengið minn skerf af sms-um sem áttu bara alls ekkert að koma til mín. Einhverja nóttina vaknaði ég t.d. við það að ég fékk tvö sms sem innihéldu textana; ,,Erla, eftir að hitta þig trúi ég á ást við fyrstu sýn," og ,,augun eru sannarlega spegill ástarinnar, gerðu það, viltu hitta mig? kv. Hilmir"
Ég þekkti engan Hilmi svo að ég svaraði að sjálfsögðu strax með einhverjum vel orðuðum skilaboðum sem innihéldu spurningar um geðheilsu viðkomandi (kannski hefur það að þetta var mið nótt haft e-ð með pirringinn að gera) Eftir smá samskipti kom í ljós að hann hafði hitt einhverja á djamminu sem hét Erla og var að reyna að ná sambandi.... pínu bömmer, en vá tilviljunin!

Í gær fékk ég nefnilega svakaleg gleðiskilaboð, einhver Vala og maðurinn hennar voru að eignast son, allar upplýsingar um lengd og erfiðleika fæðingar og stærð stráksa fylgdu með. Þetta hefðu í sjálfu sér verið enn skemmtilegri skilaboð ef ég hefði þekkt nokkra einustu Völu sem var ólétt þangað til í gær! Í dag var þetta svo toppað.... jújú lengi má gott bæta. Ég fékk senda mynd af barninu! Ég varð að láta þau vita og splæsti í sms á móti, ég á ekki von á fleirum.... pjúff... En óþægilegt fyrir þau að vera kannski að senda ömmunni mynd af prinsinum en svo er það bara einhver stelpa í Kópavoginum sem fær hana... creepy.... lætur mig langa til að endurskoða og prófarkalesa allt sem fer frá mér... just in case!

gætuð þið kannski skellt fullu nafni ogkennitölunni ykkar með skilaboðum til mín í framtíðinni?

jámm... þá er kalda vatnið farið hjá okkur aftur. Það kemur heitt úr báðum krönunum, hitaveituvatn úr heita og soðið vatn úr kalda.... og ég er ekkert að plata...

Þetta gerðist í fyrra líka. Þá var sprungin heit leiðsla í götunni en þetta var bara í okkar húsi.... við hringdum í orkuveituna og það endaði þannig að það þurfti að rífa bílastæðið upp hjá gömlu konunni við hliðiná ... okkur leið svakalega vel með það...

Þetta skiptir svosum engu máli, maður bara brennir sig þegar maður tannburstar og það er ekki hægt að fara í sturtu... eða drekka vatn. Ókei djók þetta skiptir hellings máli!

Systir mín á samt heima í næstu götu og ég var að koma úr sturtu hjá henni sem er ástæðan fyrir því að ég fór að blogga. Addý var ekki heima, bara Gummi og Inga. Inga var mjög glöð að sjá mig (eins og oftast ) og fannst voðalega skemmtileg tilhugsun að ég kæmi til þeirra til að fara í bað. Þegar ég hinsvegar var að fara að loka inn á bað rak hún upp stór augu og sagði við mig: "en Erla þú gleymdir að hlaupa berró-hring!" þetta uppskar hláturroku úr sófanum þar sem Gummi var að horfa á enska boltann og; "þá fyrst færu nú nágrannarnir að tala!"

Það er nefnilega svona eyja í íbúðinni þeirra sem er hægt að hlaupa í kringum og Inga notar það óspart áður en hún fer í bað, og hvað er eðlilegra en það að Erla, sem tekur þátt í öllum öðrum leikjum hennar skelli sér í berró-hring?

Aaaahhhh...þessi litlu kríli... ég á eftir að lifa á þessu lengi

viðbót, 30.mars:

vatnið að komast í lag!
Ástæða: bílastæðið hjá konunni við hliðiná sem býr ein með hundinum sínum hefur verið rifð upp með rótum....aftur!

Við förum örugglega til himna!

Leti mín þessa dagana er í algjöru hámarki... ég held að ástæðan liggi í einhvers konar verkkvíða þar sem verkefnin sem hrúgast upp fyrir augum mér eru ekki beint spennandi....

dæmi:

Skella sér niður í Sporthús og reyna að gera e-ð af viti, sem er í sjálfu sér ekkert leiðinlegt... en það truflar reyndar letiþemað

Svo ætlaði ég að reyna að minnka draslið í herberginu mínu - ef það gengur ekki þá teikna ég kort af því svo að ég komist í skólann á morgnana klakklaust.

Byrja að læra eins og vitleysingur til að leysa þessi blessuðu vorpróf á frekar mannsæmandi hátt, þetta felur í sér að læra heima fyrir ALLA tíma (ekki suma, ég virðist hafa tapað þessum hæfileika einhvers staðar á leiðinni, mig grunar að hann, altso hæfileikinn, liggi týndur í áætlunarflugi Keflavík-Minneapolis)

Fyrst er ég samt að fara með ömmu til læknis....

Ég hlýt barasta að vera aðalpersónan í einhvers konar raunveruleikaþætti (svona eins og The Truman Show) líf mitt er svo óendanlega spennandi!

Eftiráviðbót: ég er að finna fleiri og fleiri marbletti eftir laugardagskvöldið, þeir sem vita hvað í fjandanum ég var að gera vinsamlegast segi mér það

Þegar ég var lítil las ég svakalega mikið í stjörnumerki. Ekki það að ég vissi hvað stjörnuspá væri, ég vissi bara að allir væru e-ð ákveðið og ég hélt að það segði e-ð um manneskjuna. Kannski er það ástæða þess að ég kunni ekki vel við krabba

Það tók mig mörg ár að fatta það að ástæðan fyrir því að ég eeeelskaði sund lægi ekki í því að ég væri fiskur.

Enda hló mamma ekki lítið að því þegar að heitfenga barnið sparkaði sænginni af sér  í milljónasta skipti og sagði sem útskýringu: "mér er allt of heitt, ég vil það ekki. Mamma ég er fiskur, ég er með kalt blóð!"

Segið svo að börn misskilji hlutina

~>Erla fiskur